حکایات گلستان سعدی

 

پوسکن ودی مروکو چنائسےخالیوکاغذئسےنا مثال پانینگ دن غلط مفک امر کہ پوسکن ودی مروک پین تا دوٹی مریک انت ڈول اسےٹی خوار اونا تربیت اے کنینگ کیرا امو وڈ کہ خالی و کاغذ ئسے تحریر اٹی وڑ وڑ نا رنگ ایتنگ کیسہ اودے عشق انا داستان حانی و شہ مرید ،چنا تا قصہ پرک اتا بال، بلوچ تاریخ نا تحقیق بلوچ آریائی تعلقات یا انقلابی شعر زندہ ببی انقلاب نا زیب ئے ایتنگ کیسہ۔ نومولود آ چنا انت اس کہ بنیک،خنیک خالی آ کاغذ ئسے نا امو تحریر نا ڈول مریک ارافتیان فیصلہ مریک کہ کاغذ نا حیثیت انت مرو۔

 شیخ سعدی نا کتاب گلستان سعدی ٹی اندن و قصہ او ارافتیان ننے پند تنینگانے، پین تا غلطی تیان ننے ایل ایتنگ نا جوانو کوشست اس مسونے ۔گلستان فارسی زبان نا لوظ اسے مطلب تا باغ ۔امر کہ باغ اٹی وڑ وڑ نا پل مریررہ افتا جتا رنگ و گند مرئک امو وڑ کہ معاشرہ ٹی ہر وڑ نا بندغ،جتا و سوچ، ہر اسٹ نا جتا و قصہ اس مریک۔

 اولیکوبشخ اٹ بادشاہ تا سیرت نا بیان ئے کہ بادشاہاک وخت انا امر کرینو و امر جوانو بادشاہ اس بندغ منینگ کیک۔ پانینگانے ئسے چونکو قد والا ذہین ئس برذ و بالاد امخ ئسے ان جوان ئے انتکہ ہر بھلا گڑا زیات قدروقیمت تخپک۔پانینگانے کہ عقل مند انا خرک نرینہ و اف اراکہ ئسے خوفناک و ہاتھی سئتون جنگ کے۔سچ تو دادے کہ اصل نرینہ اودے اراکہ غصہ بنینگ انپد بیہودہ لوذ پاپ۔پند تنینگانے کہ اچ وقت اس ہم دشمن نا کہنگ ئے خوش مفیرے انتے کن ننا ہم ذند ہمیشہ کن سلوک اف۔

ارٹمیکو بشخ دروئش اتا اخلاق نا بابت اٹی ئے۔اراوخت اسے عبادت گزار اس تینا رب ئے یات کیک گڑا اورے ضروری ئے و تینا رب ان سوا پین اچکس ئے یات کپ۔شیخ سعدی حکیم لقمان نا قصہ ئسے لوز آتیٹی خولانے ، حکیم لقمان ان اریفینگا نی آدب اراکن ایل کرینوس و پارے بے تمیز آ بندغ تیان۔اوفتیٹی ارا گڑا کنے جوان لگیتوکہ افتیان ای پرہیز کریٹہ۔بقول سعدی مذاق اٹی کروک و ہچ و ہیت اس دنومفک کہ ہوش و ساری آئندہ ہفتیان نصیحت ہلپ۔اسے ناداں ئسے حکمت نا سد بشخ خوانف ہم تو افتے و مذاق امبار الیک۔

مسیٹمیکو بشخ ٹی قناعت نا فضیلت نا بیان ئے ۔قنایت عربی زبان نا لوظ ئسے معنی ئتا انت اس کہ میلیک اوٹی راضی منینگ۔گوشہ ئے صبر حضرت لقمان نا پسندیدہ مسونے۔امو بندغ ٹی صبر مف و دانا اس افک۔طبیب ئس تینا مار ئے نصیحت کرے کہ زیات کنینگ بندغ ئے بیمار کیک۔مار تا پارے،" ولے باوا بینگونی بندغ ئے کسفک،ضعیف تا ہیت ئے بنتانوس بینگونی سگینگ ان جوانے سیر پڈ کہنگ"۔ باوا تا پارے،" اعتدال نا کسر ء ارفع۔پاک آ کتاب اٹی ء کہ کن ولے حد ان پیش تمپا۔نہ کہ داخہ کمزور کر تینے کہ تکلیف ہرف۔سیر پڈ مٹھائی ہم خراب لگیک و بینگونی ٹی بارن آ اراغ ہم ہنین مریک۔

چارمیکو بشخ اٹی خاموشی نا فضیلت تروکہ ۔ ئسے سنگت ئس پارے،"ای ہیت کنینگ ان پرہیز کنینگ نا فیصلہ ئے کرینوٹ۔و پارے اکثر ای ہیت کیو جوانو، خرابو، ارتومہ ہیت اک مریرہ و کنا دشمن اک صرف خراب انگا ہیت اتے بنیرا۔و پارے، ایلم،دشمن جوانینگا گڑا ء ارپک بہتر ئے، دشمن نیک آ بندغ نا ری آن گدرینگے گڑا اودے دروغ تر و تکبر نا الزام ئے خلئنگ ان بغیر سلینگ کپک۔دشمن نا خرک نیکی کل آن بھلا عیب ء۔سعدی اگہ گلاب ئس مرے ہم دشمن نا خنتیٹی پت ئسے۔دنیا ئے روشن کروکہ دئے نا روشنائی کور آ چھچھوندر انا خن تیکن خراب سمجہینگیک۔سعدی نا بقول لا علمی نا اعتراف کروکہ و یکا بندغ امومریک اڑا کس اسینہ ہیت کٹینگ ان مست ہیت ئے شروع کپ۔ہوش مند،سمجھدار و وخت آسکان ہیت کپک تانکہ چھپی مف۔

پنچمیکو بشخ عشق و جوانی نا نظر ئے۔بندغ اک حسن محمدی ان اریفیر،" سلطان نا خڑک داخہ زیبا و غلام ارے و امر ایاز امبار مہر کسیتون کپک حالانکہ و داخہ زیبا ئس افک۔و جواب تیس، " دے است اٹی دڑینگہ و خنتے زیبا لگیک۔

ششمہکو بشخ کمزوری و پیری نا بارہ ٹی ئے ئسے دے بندغ ئس جوان ئی نا گھمنڈ اٹی پورا دے سفر کرئے و شام ئے باز دھم درے ضعیف ئس پدٹ اٹی تا بنینگ اسکہ اودے ارئفے دارے انتئے خاچانوس۔ و پارے باز دھم دریٹ مچے حمت اس ہم بچیتنے۔ضعیف پارے دانا تا ہیت ئے بنتنوس کہ و پارینو چرینگ، تولینگ، دھم کشینگ، رم کنینگ و تمینگ ان بہتر ئے۔منزل ئے سر منینگ کن ذو کپہ کنا ہیت ئے بن و صبر کر۔

ہفتمیکو بشخ اٹی تربیت نا تاثیر نا بیان ئے۔ ہیت امو وخت اسکان کپہ ارا وخت اسکان نا ہیت پورا درست مف۔و ہیت ئے کپہ ارا نا نے علم مف و جوانینگا جواب ملینگ نا آمید مف۔ نصیحت کنینگانے کہ ہنر ایل کبو دا دنیا نا مال بے اعتبار ئے۔ئسے وخت شام اٹی فتنہ مس۔ہر بندغ ئے سرفے۔ خلقی عقل مند آمار اک بادشاہ تا وزیر مسور و وزیر آتا بے وقوف ا مار اک خلق اٹی پنڈارا۔ باوا نا دولت ئسے دے اٹی ختم مریک، باوا نا لایخی ئے خوارے تو اونا علم ئے حاصل کبو۔

بزرگ اک صیحح پارا باز اک تینٹ غلطی کیر ایل کیرا ولے زیادہ سمجھدار امو مریک ارا کہ ایلو تا غلطی تیان ایل کہ۔سعدی ننکہ سبق اموز و قصہ دا کتاب ٹی اوار کرئے کہ نن پوہ مرین۔